Gero eta jende gehiagok aukeratzen du euskara bere hurbilekoekin hitz egiteko. Eguneroko horretan oinarrizko euskara maila nahikoa da erosoago eta lasaiago egoteko, gogoko ditugunengandik gertuago sentitzeko.

Hori da gure euskaltegian Hasiera Maila burutzen duen ikasleak lortuko duena nagusiki.

Bestalde, ibilbide honen amaieran 1A maila aitortuko zaio. Mailaketa sistema hori Hizkuntzen ikaskuntza, irakaskuntza eta ebaluaziorako Europako Erreferentzi Markoan zehaztu du Europako Kontseiluak.

Gehienok ditugu inguruan euskara erabili ohi duten lankide, lagun edota senideak; euskal kateetan badira interesgarriak diruditen irrati edo telebista saioak.

Agian ez dugu premiazkoa euskara maila altua baina ez dugu euskararen mundutik kanpo sentitu nahi. Hori lor daiteke Oinarrizko maila honetan.

Ibilbide honen amaieran lortutakoa HABEren kurrikulu ofizialaren 1. Maila ri dagokio eta berau egiaztatzeko azterketa egin ahal izango da. Era berean, bat dator Hizkuntz Eskola Ofizialen Oinarrizko Zikloa rekin eta Europako Kontseiluak Hizkuntzen ikaskuntza, irakaskuntza eta ebaluaziorako Europako Erreferentzi Markoa n zehaztutako 1B Maila rekin.

Helburua administrazioko HE1 egiaztatzea bada, urrats hauen amaieran eskuragarria izango da.

Maila honetan hasiko zara ohartzen lasaitasunez irakurri eta ulertu ahal dituzula komunikabideetako testu orokorrak; erraztasun handiagoz ulertzen dituzula telebista eta irratia. Zeu ere, bizitzaren egoera arruntenetan, euskaraz aritu ahal izango zara, batzuetan oraindik zailtasun batzuk izango dituzun arren. Baina jadanik ez duzu izango gehienetan zertan eskatu jendeari gaztelerara pasatzeko zurekin ari denean.

Bestalde, maila honen amaieran, HABEren kurrikuluaren 2. mailako egiaztagiria lortuko duzu eta IVAPen 1HEko azterketara aurkeztu ahal izango zara erraz gainditzeko moduan; baita, beharbada, IVAPen 2HEko eta IRALEren 1HEko azterketa probetara ere.

Dagoeneko irratia, telebista, egunkaria.gutxi gorabehera ulertzeko gai zarenez, hauxe izango dugu helburu nagusia maila honetan: azkartasunez eta zehaztasunez ulertzea eguneroko elkarrizketa biziak; egoera formaletan ematen diren elkarrizketak; eztabaidak eta bilerak; komunikabideetan aurkitzen ditugun artikuluak, programak iragarkiak, albisteak.

Hitz egiten eta idazten ere aurreapausu nabarmenak igarriko dituzu eta zeure burua askoz ere trebeago ikusi ahal izango duzu. Izan ere, jada, erraztasun handiagoz egingo dituzu gai jakinen inguruko azalpenak, iritzi-kritikak, kontaketak.

Maila honetan Administrazioaren 2HE edota Hezkuntzako 1HE gainditzeko moduan egon zaitezke, hala behar izanez gero, eta EGA edo titulu baliokideak prestatzen hasiko zara.

Maila honetan euskalduntzearen oinarrizko programan aurreikusitako helburu nagusiak erdietsiko dituzu. Gaitasun maila honek eguneroko bizitzako zein laneko zeregin askotan euskaraz lasaitasunez jardutea ahalbidetuko dizu.

Maila honen amaieran zeure burua EGA, IVAPeko 3HE edota IRALEko 2HEko probetara aurkezteko prest ikusiko duzu, baita Hizkuntz Eskola Ofizialeko Goi Ziklora ere.

Maila honetan batik bat lan munduak eskatzen dizkizun hizkuntz gaitasun espezifikoak garatuko dituzu. Horretarako, kontuan hartuko dira lan arlo bakoitzaren berezko hizkuntz eskakizunak, alegia, kasuan kasuko hiztegia eta ekintza komunikatibo jakinak zuzen eta egoki erabiltzea. Baina, gainera, zure hizkuntz maila orokorra areagotzen lagunduko dizugu, edozein egoera komunikatibotan erraz eta eroso aritzeko trebatuz.